ليعرف الحب طريق لقلبى

انسان عمره ما حب…….مع انه عنده قلب
بيحس وفيه ومشاعر……وبيدعي يقول يارب
مش عاوز عطف حد………ولا من زمانه رد
بس هوة نفسه يعرف ……..هوة ليه لساله نبض
لو عمري يوم يتقاس ………بالحب والاحساس
يبقي عمري ما عشت …….ولا لحظه من الاساس
لو دا قدري خلاص ……دا مفيش منه خلاص
امسح دمعك ياقلبي……دا الحب لناس وناس
مفيش ولا يوم يعدي …..ودمعي مش في خدي
لامتي هكون كده …..دايما عايش لوحدي
ولا حد يحس بيا……ولا حد يخاف عليا
انام سعات في حضنه……..واديه تلمس اديا
ياما قلت كتير اكيد ………الحب دا مش بعيد
ومسيري اعيشه يوم …….ومجدش شئ جديد
هوة انا بطلب كتير ……..وازاي يكون في طير
فرحانه بحياته لما …….يبقي محبوس اسير
هوة انا هفضل حزين ……..اتوة وسط السنين
عاوز أي حد يقول…….ألاقي الحب فين
لوعمري يوم يتقاس…….بالحب والاحساس
يبقي عمري ما عشت…….ولا لحظه من الاساس